Прием за женската ракометна кадетска репрезентација кај претседателот Пендаровски

Од:

По победата на Б кадетското европско женско ракометно првенство во Клапеида, Литванија, претседателот Стево Пендаровски попладнево ги прими ракометарките и стручниот штаб на женската ракометна кадетска репрезентација – селекција до 17 години (У17), селекторот Љубомир Савевски и претседателот на РФМ, Живко Мукаетов.

Честитајќи им го големиот успех, претседателот Пендаровски истакна дека нивните постигнувања влеваат надеж за иднината на женскиот ракомет.

„Навистина имаме со што да се гордееме. Вашиот успех е и наш, национален успех. Посакувам да ја задржите меѓусебната кохезија, да се почитувате и да бидете пред се, најдобри другарки. Од мене имате целосна поддршка“, им порача претседателот Пендаровски на младите ракометарки.

Со победата на Б кадетското европско женско ракометно првенство, ракометарките обезбедија место во највисокиот ранг на наредните европски првенства за младинки и за кадетки, како и настап на светското првенство. На шампионатот во Литванија, 14-годишната Ива Младеновска беше прогласена за најкорисен играч, а во најдобриот тим, покрај неа, се најдоа и Теодора Дуковска и Марија Јовановска.

Би можело да ве интересира

Пендаровски – Норлен: Очекуваме засилување на политичката поддршка од Шведска за евроинтеграцијата

Средба на Пендаровски со македонските друштва во Малме

Пендаровски: Сѐ додека не напредуваме кон ЕУ, националистичките сили освојуваат терен

Катерина Павлова-Николовска

Пендаровски: Добив потврда дека Грција го почитува Договорот од Преспа и сака целосна имплементација

А1он

Пендаровски: Отвораме уште еден канал на комуникација и соработка со Грција

Катерина Павлова-Николовска

Пендаровски го посети завршниот час на обуката за онлајн асистенти на лицата со телесна попреченост

А1он