Од Министерството за внатрешни работи информираат дека при контрола на возила кои вршат јавен превоз на патници на територија на СВР Тетово, биле откриени и казнети 10 технички неисправни возила.
„Полициски службеници на СВР Тетово денеска (10 декември) од 8 до 13 часот спровеле акциска контрола на возила кои вршат јавен превоз на патници, во најголем број автобуси и комбиња. При контролата биле откриени и законски санкционирани 10 технички неисправни возила (ТЕ-5 и ГВ-5). Седум од возилата (ТЕ-5 и ГВ-2) имале неисправни сопирачки, 1 (ГВ) истечена регистрација и 2 (ГВ) неизвршен технички преглед.
Неисправните возила веднаш се исклучени од сообраќај и изготвени им се соодветни поднесоци. При контролата, исто така, санкционирани биле и 10 други видови сообраќајни прекршоци (ТЕ-6 и ГВ-4)“, велат од МВР.