Презентирана физибилити анализата на можностите за намалување на ризикот од поплави во Скопско

Од:

„Физибилити анализа на можностите за намалување на ризикот од поплави во Скопскиот регион“ е името на студијата која Град Скопје ја изработи во соработка со УНДП, а која денеска беше презентирана пред јавноста.

dobivaj vesti na viber

На презентацијата на овој значаен документ присуствуваа Претседателот на Советот на Град Скопје, Љубица Јанчева и постојаниот претставник на УНДП, Луиза Винтон, како и претставнци од скопските општини, јавните градски претпријатија, министерствата и научните институции, невладини организации и граѓани.

– Градот Скопје почнува нова пракса во начинот на работењето, во смисла на споделување на резултатите од научните студии со јавноста. Скопје е град за кој природните катастрофи не се непознати, а дел од нив се последица и на климатските промени, предизвикани од човечкиот фактор. Токму затоа, како вовед во денешнава презентација сакам да потенцирам дека Градот Скопје и УНДП во декември 2014 година почнаа заедничка реализација на проектот за зголемување на урбаната отпорност на природни катастрофи и климатски промени, со примена на информатичка технологија, кој се уште е активен. Резултатите од проектот се воочливи, високо котирани и се многу важни за Градот Скопје – рече пред присутните Љубица Јанчева, претседателот на Советот на Град Скопје.

Јанчева објасни дека предмет на денешнава работилница е „Физибилити анализа на можностите за намалување на ризикот од поплави во Скопскиот регион“, изработена од Град Скопје, во соработка со УНДП, во рамки на проектот „Зголемување на урбаната отпорност со примена на информатички технологии за намалување на ризиците од катастрофи и климатски промени. Во анализата, рече таа, се сублимирани сите активности, анализи и моделирања во делот на поплавите во секторот води, во Стратегијата за климатски промени и по поплавите во септември 2016, како последица од поројните води на Скопска Црна Гора.

– Градот Скопје е наш заеднички град. Токму поради тоа, треба сите заедно да дејствуваме и да работиме за негово приспособување, а Град Скопје е подготвен да ја преземе лидерската улога за сите проекти што во иднина треба да се развиваат и да се реализираат – нагласи Јанчева.

Постојаниот претставник на УНДП, Луиза Винтон, објасни дека темата со поплавите кај нас стана особено актуелна по поплавите во 2015 година и по минатогодишната поплава во Скопје. Според Винтон, систематски треба да се работи на намалување на ризиците од поплавите имајќи го предвид пред се доброто и безбедноста на луѓето, зашто алармот од климатските промени е веќе вклучен.

Би можело да ве интересира

ВИДЕО: Се враќа ли Груевски во белата палата – ќе го пречека ли Данела?

Анита Петровска Рајковиќ

Започна 25-тото јубилејно издание на Скопје филм фестивал

Двајца турски државјани се истепале во Градски парк

Поради поплавите во Пакистан се евакуираат милиони луѓе

Големо невреме во Скопје, откорнати дрвја и покриви, поплавени улици

Предраг Петровиќ

Поплавите во Пакистан однесоа 1.138 животи