Кризниот центар „Надеж“ денеска ќе го презентира проектот „Грижи се за себе“, кој има за цел да се подигне свеста на општеството за проблемот на семејното насилство и за потребата од психосоцијална поддршка на жртвите на семејно насилство, како и за јакнење на жените, жртви и потенцијални жртви на семејно насилство.
За важноста на подигнувањето на општествената свест за овој проблем и за самиот проект ќе говорат претседателката на Кризен центар „Надеж“ Верка Угриновска, заменик-амбасадорот на Австралија за Македонија Глен Морисон и градоначалникот на општина Гази Баба, Тони Трајковски.