Здружението на новинари на Македонија испратило претставка до Одделот за внатрешна контрола при МВР за приведувањето на новинарите Махмути и Ука, кои, според Здружението, минатата недела биле бесправно задржани неколку часа во полициската станица „Кисела Вода“, поради наводно снимање на Судскиот совет за време на изрекување на пресудата за случајот „Диво Насеље“.
Во претставката што е испратена завчера, ЗНМ бара објаснување од полицијата за причините и основот за шестчасовното задржување на двајцата новинари, како и спроведување истрага од страна на МВР за овој случај и доколку се утврди пречекорување на овластувањата на полициските службеници да се покренат соодветни дисциплински мерки.