Претседателот на Социјалдемократската младина на Македонија, Стефан Богоев, во периодот од 25 до 29 мај ќе учествува на eвропско – aмериканската Конференција за млади лидери, што ќе се одржи во Ербил, Курдистан – Ирак.
Програмата за млади лидери се развива од 1973, со цел да ги детектира глобалните проблеми и предизвици.
Конференцијата за млади лидери е воведена од 2001 година. Обезбедува поврзување и дијалог на ниво на Европа, од ЕУ и надвор од ЕУ, како и на претставниците помеѓу ЕУ и САД. Конференцијата е под покровителство на Глобал Бриџис.
Претседателот на СДММ, Богоев, на Конференцијата е назначен за известувач во работната група Б, којашто ќе дискутира на темата: Улогата на ЕУ, НАТО, САД во турските надворешни односи.
Се очекува на дебатата да се отворат и други важни прашања, во врска со состојбите на Балканот.
Денеска мрежата на Млади лидери има учесници од повеќе од 40 европски земји, САД, Русија и Кина.