Претседателот на Република Македонија Ѓорге Иванов денеска ги посети војниците од касарната „Мирче Ацев“ во Прилеп со што и официјално, по седум години, објектот е реактивиран.
– Ова е и прилика да им ја честитам Новата година на сите припадници на македонската Армија кои се во мировни мисии во странство и кои исто така, придонесуваат за угледот на Македонија во светот. Нашата армија, според сите стандарди, задоволува се што бара НАТО и се надеваме еден ден ќе го заслужиме тоа што ни припаѓа, да бидеме дел од Алијансата, изјави Иванов по средбата со војниците.
Тој напомена дека заживувањето на касарната е значајно не само за животот во градот, туку и од стратегиски аспект.