Пресуда за грабежот во „Тутунска банка”

Од:

Во Основниот суд Скопје 1 денеска треба да биде соопштена пресудата на обвинетите за грабежот во „Тутунска банка”.

dobivaj vesti na viber

Скопското Јавно обвинителство на рочиште што се одржа на 27 октомври побара од Судот на обвинетите за грабежот да им одреди највисока казна, која според Кривичниот законик изнесува 10 години.

Четворицата обвинети за грабежот ја признаа вина, но не открија што сториле со украдените пари.

Јавното обвинителство соопшти дека четворицата се изјасниле за виновни и оти со умисла и во повеќе временски поврзани дејствија, искористувајќи ја својата работна позиција и познавање на процесите на работата во банката, противправно присвоиле парични средства во значителен износ од 400.000 швајцарски франци и 375.000 евра.

На 10 април годинава извршиле кражба и на 2.000.000 швајцарски франци и 270.000 евра.

Адвокатите побараа поблаги казни, бидејќи обвинетите ја признале вината.

Единствена олеснителна околност која може да им ја намали казната е тоа што обвинетите досега не се евидентирани како сторители на кривични дела.

Надлежниот обвинител кој постапува во предметот до Судот доставил и обвинителен предлог против други четири лица, на кои како одговорни лица во банката врз основа на општ акт, со посебно овластување им биле доверени определен круг на работи, но тие несовесно постапиле во вршењето на своите овластувања и должности и со тоа го овозможиле противправното присвојување на паричните средства во горенаведениот износ. Постапката против овие четири лица продолжува одвоено.

Би можело да ве интересира

Приведени двајца крадци во Кавадарци, одземеното вратено на сопственикот

Ана Ололовска

Двајца битолчани краделе бакарни цевки во струшката „Специјална болница за нефрологија“

Скопјанец затекнал крадец во неговиот дом, на крадецот му испаднал дел од украдените предмети

Горан Наумовски

Банкарски службеник од Тетово украл 10.000 евра од туѓа сметка

Горан Наумовски

Приведен крадец од Тетово, пронајдени украдени мотоцикли

ВОЗНЕМИРУВАЧКО ВИДЕО: Крадец нападна жена во Нов Белград, и го скрши забот и го искина накитот