Преполовен приходот од наплатата на парикинг местата во текот на минатата година во Штип, покажа годишниот извештај на претпријатие „Стипион“. Директорот на ЈП „Стипион“-Штип, Сашко Протогеров на денешната Комисија за урбанизам на Советот на Општина Штип презентираше дека од наплатата на паркинг местата биле планирани шест милиони денари, а како приход се собрани само 3,5 милиони денари.
– Ова се должи на намалените цени за паркирање од претходниот Совет на Општина Штип. Конкретно можам да ви кажам неколку бројки дека дневната карта за паркирање од 80 денари е намалена на 60 денари, потоа повластени карти, кои ги имаа граѓаните кои работат и имаат канцеларии на улиците во центарот од 6.000 е намалена на 1.000 денари, потоа закупот на паркинг места од 8.000 е намален на 3.000 денари и ангажираните паркинзи од 35.000 се намалени на 10.000 денари, вели Протогеров.
ЈП „Стипион“-Штип за првпат покажа и добивка од околу 200.000 денари, а според финансиските показатели добивката се должи на новото возило, кое е набавено минатата година, а не е прикажано како добивка.