Премиерот Никола Груевски денеска, во придружба на министрите за здравство и за труд и социјална политика Никола Тодоров и Спиро Ристовски, како и скопскиот градоначалник Коце Трајановски, го посети првото бебе родено во 2013 година на Клиниката за гинекологија и акушерство.
Груевски најави дека Владата по овој повод на семејството ќе му додели илјада евра. Министерот Ристовски на бебето му подари два златника, додека градоначалникот Трајановски на мајката и даде книшка со 20 илјади денари.
Според Тодоров, Министерството за здравство ќе обезбеди се што е неопходно за бебето во 2013 година, пелени, храна, …
Бебето е тешко 4 килограм и 300 грама, а долго 54 сантиметри. На мајката Јасмина Смилевска, родена 1971 година, ова и е осмо дете, по претходно родените пет машки и две женски.
