Прекинат погребот на девојката која почина во модуларната болница кога избувна пожарот

Од:

Прекинат бил погребот на девојчето од 20-тина години, на кое во моментот на избувнувањето на пожарот му била вршена реанимација. Станува збор за девојка со церебрална парализа, која во модуларната тетовска болница била во придружба на своите родители.

Од обвинителството соопштија дека „извршена е обдукција и на почината пациентка, која настрадала од Ковид-19 и за чиј живот се борел медицинскиот персонал непосредно пред избувнувањето на пожарот“.

„Телото на веќе починатата пациентка било изнесено во моментот на избувнување на пожарот. Обдукцијата по барање на обвинителството беше извршена за точно утврдување на причините за смртта, при што се констатира дека настанатата смрт не е последица од пожарот“, изјавија од обвинителството.

Како што дознаваме, претходно на родителите им било дозволено да го земат телото на својата ќерка и им било кажано дека можат да ја погребаат, со оглед на тоа што починала пред настанувањето на пожарот.

Погребот бил организиран, а телото било однесено во црква. Во меѓувреме, обвинителството решило да ја додаде во предметот и побарало нејзина обдукција, па така на сред погреб, нејзиното тело било одземено и однесено во Институтот за судска медицина, каде што било утврдено дека пожарот не бил причина за нејзината смрт.

Во тетовскиот пожар настрадаа 14 луѓе, осум жени и шест мажи. Двајца од настраданите не биле пациенти, односно станува збор за ќерка на пациентка и за сопруга на пациент.

Би можело да ве интересира

Трето рочиште за завршни зборови во судскиот процес за модуларната болница во Тетово

Катерина Ѓуровски

Електричната инсталација во модуларната во Тетово не била по прописите, ја инсталирале двајца вработени во болницата сведочеше вештак

Ана Ололовска

Продолжува судењето за пожарот во модуларната болница во Тетово

Ана Ололовска

Се бара слобода за докторот обвинет за пожарот во модуларната болница, рочиштето одново се одложи

Кристијан Ландов

(ВИДЕО) Прво судење за изгорената болница: Едниот директор не дојде на судење, другиот не чувствува вина

Кристијан Ландов

Ексдиректорот на тетовската болница еден од обвинетите за пожарот: Апсолутно не гледам вина кај мене

Кристијан Ландов