На Универзитетската клиника за државна кардиохирургија-Скопје денеска и утре предавања ќе одржат основоположниците на европската и на италијанската кардиохирургија професор, Антонио Мариа Калафиоре и кардиохирургот од познатиот Римски универзитет „Ла Сапиенца“, Антонино Маруло.
Предавањата се резултат на континуираната соработка меѓу Универзитетска клиника за државна кардиохирургија, Медицински факултет-Скопје и Министерството за здравство на РМ.
Предавањето на професор Калафиоре, како што е најавено, ќе се одржи денеска од 11:00 до 14:00 часот во амфитеатарот на Деканатот на Медицинскиот Факултет-Скопје на тема „Кардиоплегија, историја, типови, предности, ризик“ и „Иднината на кардиохирургијата, минимално инвазивен пристап“.
Доктор Маруло ќе одржи предавања од областа на кардиохирургијата утре од 10:00 до 15:00 часот во амфитеатaр на хируршки клиники во комплекс клиники „Мајка Тереза“-Скопје.
Предавањата се дел од редовната едукација при катедрата за хирургија на Медицински факултет-Скопје и со нив се овозможува високо стручна едукација на студентите и специјализантите од областа на кардиохирургијата.