На фасадата од Владата е поставена таблата со новото име на државата, Република Северна Македонија. Натписот е преведен на три јазици, македонски, англиски и албански.
Новото уставно име е поставено 12 часа пред доаѓањето на грчкиот премиер, Алексис Ципрас, во посета на државата, иако најавата на Владата беше дека таблите ќе бидат поставени по завршување на претседателските избори.
Тие претходно рекоа дека поставувањето ќе се одложи поради тендерските процедури, бидејќи како што предвидува изборниот законик, за време на изборниот процес не смеат да бидат распишани јавни набавки.
Инаку пред Владата течат подготовките за пречекот на грчкиот премиер, Алексис Ципрас. Се поставува видео-опрема и бина, но и останата опрема.
