Собранието го изгласа предлогот Катица Јанева да ја извршува функцијата специјален Јавен обвинител.
Парламентот ја донесе одлуката со 108 гласа „ЗА“, предлогот не го подржа единствено независната пратеничка Солза Грчева.
По одлуката на парламентот следува изборот на советот за јавни обвинители, по што Македонија ќе го добие првиот специјален Јавен обвинител.
Ниту еден пратеник не се осврна на кредибилитетот и биографијата на Јанева.
Грчева ги прекори пратениците велејќи дека изминативе недели Јанева се чекала како Папа. Но, изгледа е црн димот што излегува, рече таа.
„Замајувањето и циркусот продолжуваат, со секој чекор се подлабоко се продлабочува кризата. Од толку способни луѓе, имате човек за кој не знаете 5 збора да кажете. Ако единствената референца е посетуван курс, а не бавење со организиран криминал, тогаш немам големи очекувања“, рече Грчева.