Пратеничката Шахпаска на меѓународна конференција во Баку

Од:

Пратеничката Јагода Шахпаска, членка на Делегацијата во Парламентарното собрание на ОБСЕ (ПС на ОБСЕ), ќе учествува на меѓународната конференција на тема: „Улогата на парламентарците во поттикнувањето на економската соработка и културните врски долж Патот на свилата“, што во организација на „Групата за поддршка на Патот на свилата“ на ПС на ОБСЕ ќе се одржи на 13 и 14 март 2018 година во Баку, Република Азербејџан.

Ова е прва меѓународна конференција на „Групата за поддршка на Патот на свилата“ на Парламентарното собрание на ОБСЕ, во која членуваат парламентарни делегации на 22 земји учеснички во ОБСЕ и која има за цел да го поддржи развојот на меѓусебните економски односи и соработка, врз основа на целосно почитување на водечките принципи на ОБСЕ.

Работата на конференцијата ќе се одвива во три сесии: „Унапредување на заемно корисната економска соработка и трговските врски“, „Олеснување на транспортот и логистиката“ и „Градење доверба, размена на култура и промовирање на дијалог“.

Се очекува пред пратениците да се обратат: г. Огтај Асадов, претседател на Парламентот на Република Азербејџан, г. Георге Церетели, претседател на Парламентарното собрание на ОБСЕ, г. Иван Брајовиќ, претседател на Парламентот на Црна Гора, г. Елмар Мамадјаров, министер за надворешни работи на Република Азербејџан, г. Дамдин Цогтбаатар, министер за надворешни работи на Монголија, г. Шанин Мустафајев, министер за економија на Република Азербејџан, г. Абулфас Гарајев, министер за култура и туризам Република Азербејџан, како и други високи претставници на земјите учеснички и на меѓународни организации.

Би можело да ве интересира

Америка предупредува на нова војна на Кавказ: „Ќе нападнат“

Започна нова војна меѓу Азербејџан и Ерменија во Нагорно Карабах

Конфликтот во Нагорно Карабах продолжи, има загинати, се користат минофрлачи и дронови

Ана Ололовска

Објавена снимка од надзорната камера: Со „калашников“ пукаше кон амбасадата на Азербејџан во Иран, убиен чувар

А1он

ОН повикаа да се спречи обновувањето на конфликтот меѓу Ерменија и Азербејџан

А1он

Романија, Азербејџан, Грузија и Унгарија потпишаа договор за подводен кабел за пренос на зелена енергија преку Црното Море

Ана Ололовска