Средба Шахпаска-Алиа Ел Јасир, разговарале за проектот на МТСП за родово одговорно буџетирање

Од:

Министерката за труд и социјална политика, Јагода Шахпаска, денеска одржа средба со регионалната директорка на UN Woman за Европа и Централна Азија, Алиа Ел Јасир.

Целта на состанокот била да се разговора за севкупниот напредок на Република Македонија во насока на родовата еднаквост, конкретно за имплементацијата на Проектот на Министерството за труд и социјална политика за родово одговорно буџетирање.

„Континуираната соработка и градење на капацитетите за родово одговорно буџетирање доведе до тоа Република Северна Македонија да биде лидер во регионот во однос на интегрирање на родовата перспектива во стратешкото планирање, креирање политики и процеси на буџетирање. За ова голема заслуга има долгогодишната соработка со нашиот стратешки партнер UN Woman“, – истакна министерката Шахпаска.

Еден од проектите помеѓу Министерството за труд и социјална политика и UN Women е проектот „Унапредување на институционализацијата на родово одговорно буџетирање преку систематска интеграција на родовата перспектива во стратешкото планирање и програмирање на владините институции во Северна Македонија“.

Овој проект има две цели: Зајакнување на капацитетите на државните службеници во ресорните министерства за да се инкорпорира родовата перспектива во политиките и буџетите, и воспоставување на Тренинг Центар за родово одговорно буџетирање за континуиран развој на капацитетите на државните службеници, размената на знаење и размената на добри практики.

„Вложениот труд и работа при имплементирањето на родово одговорното буџетирање ја направи вашата земја лидер на Балканот. Би сакала што поскоро да го видам отворен Тренинг Центарот за родово одговорно буџетирање затоа што со неговото функционирање ќе се направат големи промени и ќе се постигне голем напредок во воспоставувањето на родова еднаквост, на секое поле“, – порача регионалната директорка Алиа Ел Јасир.

На средбата, директорката Алиа Ел Јасир ја поздрави соработката на Министерството за труд и социјална политика со останатите сектори, особено Програмата за реинтеграција во затворите, што претставува иновативен пристап кој треба да го применуваат и останатите земји од регионот, порача таа.

Исто така, Министерствотот за труд и социјална политика соработува и во спроведувањето на проектот на UN Woman „Советодавни услуги за родово вклучување во администрацијата на Северна Македонија“ чија цел е да ја поддржи Владата на Република Северна Македонија во транспонирање на правото на ЕУ за родова еднаквост.

Овој проект е дизајниран во тесна соработка со Секторот за европски прашања и во консултација со Министерството за труд и социјална политика.

На состанокот се разговараше и за Усвојувањето на новата Национална стратегија за родова еднаквост (2021-2026), новиот Закон за родова еднаквост, воспоставувањето на првиот Ресурсен центар за креирање политики и буџетирање на родова еднаквост и континуирано зајакнување на капацитетите на ресорните министерства и државни агенции.

Би можело да ве интересира

Шахпаска: Унапредувањето на квалитетот на стручниот кадар е предуслов за квалитетно предучилишното образование​

А1он

Шахпаска: Создаваме систем, кој обезбедува навремена исплата и сигурен раст на пензиите

А1он

Средба на Шахпаска со Дервишагич од Советот на Европа: Интензивно работиме на јакнење на капацитетите на ромската заедница

А1он

Шахпаска: Ја повикувам локалната власт да се вклучи во обезбедување на услугата помош и нега во домот на стари лица

А1он

Шахпаска: Меѓу 65% и 75% проценти од вработените во градинките се веќе вакцинирани

А1он

Шахпаска: Згрижувачкото семејство Гошеви обезбедува топол дом ​и родителска грижа за три малолетни дечиња

А1он