Шахпаска: Ја повикувам локалната власт да се вклучи во обезбедување на услугата помош и нега во домот на стари лица

Од:

Министерката за труд и социјална политика, Јагода Шахпаска, го посети Здружението на пензионери во Општина Пехчево, каде разговараше за прашања во доменот на висината на пензијата и за начинот на кој таа се усогласува.

„На пензионерите им пренесов за новиот концепт на децентрализација на социјалните услуги и апелирав локалната самоуправа и источниот плански регион да се вклучат во обезбедувањето на Помош и нега во домот на стари лица.

Оваа услуга се врши преку лиценцирани даватели и веќе ја воспоставивме во 19 општини. Услугата е дел од Проектот за подобрување на социјалните услуги, поддржан од Светска банка. Ние како Министерство за труд и социјална политика и понатаму остануваме да ги поддржуваме пензионерите, да им обезбедиме здраво стареење и пријатни пензионерски денови“, рече министерката Шахпаска.

Клубот на Пензионери во Пехчево брои околу 1000 членови. Своите активности ги спроведуваат во пензионерското катче кое има затворен – реновиран дел, и отворен дел за кој очекуваат дека наскоро ќе биде дограден за да им служи во летните денови.

Пензионерите го искажаа своето задоволство за предвременото исплаќање на пензиите, дури и во економска криза, и стабилниот Пензиски фонд во нашата држава.

Пензионерите ја информираа министерката дека над 70% се веќе вакцинирани, што министерката го оцени како многу значајно за периодот кој следува.

Би можело да ве интересира

Шахпаска: Унапредувањето на квалитетот на стручниот кадар е предуслов за квалитетно предучилишното образование​

А1он

Шахпаска: Создаваме систем, кој обезбедува навремена исплата и сигурен раст на пензиите

А1он

Средба Шахпаска-Алиа Ел Јасир, разговарале за проектот на МТСП за родово одговорно буџетирање

А1он

Почна со работа првиот пинг-понг клуб во Пехчево

А1он

Средба на Шахпаска со Дервишагич од Советот на Европа: Интензивно работиме на јакнење на капацитетите на ромската заедница

А1он

Шахпаска: Меѓу 65% и 75% проценти од вработените во градинките се веќе вакцинирани

А1он