Полицијата го фати ограбувачот кој денеска се обиде да ја ограби филијалата на Стопанска банка во населбата Ѓорче Петров.
Сторителот на кривичното дело е 43-годишниот Александар М. од Скопје.
Тој добил повреда при престрелката со полицијата и со Брза Помош е пренесен во Ургентниот центар во Скопје, а се наоѓа надвор од животна опасност.
Ограбувачот го обезбедуваат полициски службеници.
Вработена во банката пријавила во полиција дека ограбувачот влегол и ја ограбил филијалата.
Полицајците веднаш излегле на терен и со своите возила го пресретнале ограбувачот кој почнал да пука во нив. Полицијата возвратила на пукањето при што ограбувачот бил погоден и веднаш испратен на скопските Клиники.