Пожарот од атарот на светиниколското Богословец е проширен кон штипското село Доброшани, во коешто има стари куќи. Командирот на смена во Територијалната Противпожарна единица (ТППЕ)-Штип, Пане Тимов вели дека пожарот е активен и со него се справуваат 10 пожарникари, но и голем број на војници, доброволци и вработени во државните и локланите комунални претпријатија. Побарано е да интервенираат и хеликоптерите од воздух.
Пожарот е активен од вчера во текот на попладневните часови, кога и почна да се шири во близина на селото Богословец, по што се насочи кон високиот рид и се спушти од друга страна на штипска територија. Во него горе сува треба, површини со млада борова шума. Тимов вели дека во моментов имаат дојава и за пожар кај депонијата Трештена Скала, која е одалечена од градот над 10 километри.