Пожар зафати делчевско возило вечерва на улицата „Шишка“, во близина на болницата во Кавадарци. Од Територијалната противпожарна единица од Кавадарци информираат дека се работи за возило „форд ескорт“.
– По дојава од полицијата, бевме на лице место со две возила и четворица пожарникари. Успеавме да спречиме поголема катастрофа, огнот не се прошири на околните возила и објекти, велат од противпожарната служба.