Една училница и дел од ходникот биле опожарени во пожар кој се случил вчера во училиште на улицата „Ферид Бајрам“ во Скопје, информираше МВР.
Пожарот бил пријавен вчера во 13:40 часот и за среќа, нема повредени.
„Во тој дел од училиштето во моментот немало ученици, а пожарот бил изгаснат од Бригадата за противпожарна заштита“,
велат од МВР.
Увид на местото на пожарот направиле и полицајци од СВР Скопје.
