Во хотелот „Гранит“ на Попова Шапка денеска околу пладне избувнал пожар, информираше портпаролот на СВР Тетово, Марјан Јосифовски.
Според неговите првични информации од теренот, огнот најпрво се појавил во ресторантскиот дел, за потоа да се прошири на целиот објект зафаќајќи ја и покривната конструкција.
Во гасењето на пожарот учествувале две возила на тетовската противпожарна територијална единица, а просторот го обезедуваат полицајци од полицискта станица на Попова Шапка.
– Локализирањето на пожарот е во завршна фаза и допрва претстои увид од стручни екипи кои треба да утврдат што е изгорено и евентуалните причини за избувнување на огнот, како и да се подигнат траги за вештачење, рече Јосифовски.