Со донесување на одлуката од страна на Судскиот совет на вчерашната седница да се стават вон сила сите активни огласи за избор на судии се поништува и огласот за избор на претседател на Кривичен суд.
Претседателот на Судскиот совет, Зоран Караџовски потврди дека сите огласи објавени пред први јануари оваа година се ставаат вон сила поради нивна застареност и поради процесот на редовно оценување на судиите за 2015 и 2016 година.
Како единствени кандидати за местото претседател на Кривичен суд останаа поранешниот претседател Владимир Панчевски и судијата Иван Џолев.
Моментално кривичниот суд е под кормилото на в.д претседателот Стојанче Рибарев кој направи нов распоред на судии со што некои од нив немаа можност да бидат вклучени во предметите на СЈО.
