Уште неколку случаи на агресивно однесување и напади на граѓани кон униформирани полицајци се забележани во изминатите два дена, соопшти МВР.
На 06 октомври околу 23.00 часот во Кочани, полицајци го лишиле од слобода А.С.(23) од Кочани, затоа што физички ги нападнал додека вршеле службени дејствија.
Исто така завчера, во 23.45 часот во Македонски Брод, полицајци од станицата во Македонски Брод го уапсиле В.С.(21) од Македонски Брод, затоа што физички нападнал полициски службеници.
Вчера, пак, во 16.40 часот на подрачје на Полициската станица Центар во Скопје, полициски службеници го лишиле од слобода И.С.(34) од главниот град, поради напад врз полицајци кои вршеле службени дејствија.
Во сите три случаи, напаѓачите се приведени и задржани во полициска станица, а по целосно документирање на случаите, против нив ќе бидат поднесени соодветни пријави, соопшти МВР.