Четиринаесетгодишно момче од Куманово е повредено откако ја ставило раката на трупец на кој негов врсник цепел дрва.
Полицијата денеска информираше дека инцидентот се случил вчера во складот за огревно дрво „Дабо Груп“, сопственост на З.Т. (50).
Момчето се повредило во пределот на малиот прст така што кога поминувало покрај другото момче кое цепело дрва, се занело и ја ставило левата рака на трупецот.
Повреденото момче е пренесено во Клиничкиот центар во Скопје на понатамошно лекување.
Увид на местото на настанот извршила екипа од СВР Куманово, а јавен обвинител констатирал постоење на кривично дело „предизвикување општа опасност“.