Седуммина полицајци се повредени на денешните насилни протести кај Бит-пазар против пресудите во случајот „Монструм“, информираат од МВР.
Според полицијата, досега се приведени осум лица, но оваа бројка сигурно ќе биде поголема, затоа што се работи за пронаоѓање и приведување и на други учесници во протестот.
Попладнево демонстрантите, кои имаа план да протестираат во центарот на градот, но не беа пропуштени од полицијата, неколкупати се обидоа да го пробијат кордонот, фрлајќи шишиња, запалки, столови. Дел од нив, маскирани со фантомки, со цело тело се фрлаа во полициските штитови, но не им беше дозволено да се доближат до комплексот судови и беа одбиени кон Бит-пазар.