Десет лица се здобиле со телесни повреди во шест од вкупно 14 евидентирани сообраќајни незгоди во изминатите 24 часа. Во осум од сообраќајките е причинета материјална штета, покажува евиденцијата на сообраќајната полиција.
Со помош на специјалното возило „Пајак“ во текот на изминатиот ден отстранети се 85 возила.
Според најавата во МВР, денеска со почеток во 10:00 часот поранешни вработени на фабриката „Охис“ ќе одржат мирен протест пред зградата на Владата на Република Македонија на бул. „Илинден“.