23-годишна девојка синоќа во Злетово се здобила со повреди во главата од удар од шише, при обид да раздвои учесници во тепачка.
Според МВР, синоќа во 23 часот и 40 минути на улица „Маршал Тито“ во Злетово настанала тепачка меѓу 21-годишниот Б.Г. и 22-годишниот Ѓ.Ј.
Во еден момент, 23-годишната И.Ј. се обидела да ги раздвои при што Б.Г. се оддалечил неколку чекори наназад и замавнал со стаклено пивско шише со намера да го удри Ѓ.Ј, но ја погодил И.Ј. во главата.
Таа се здобила со повреда на черепот на главата и е пренесена во Клиничкиот центар во Скопје. По целосно докуметирање на случајот, МВР најавува дека ќе поднесе пријава.