Бројот на превезените патници во второто тримесечје од годинава во однос на овој период лани бележи зголемување во меѓуградскиот и меѓународниот, а намалување во градскиот и приградскиот превоз.
Според податоците на Државниот завод за статистика, бројот на патници во градскиот превоз е намален за 1,8 отсто, во приградскиот превоз за 4,4 отсто, а во меѓуградскиот превоз е зголемен за 6,7, додека во меѓународниот превоз зголемувањето изнесува 78 отсто.
Податоците покажуваат дека во овој период бројот на патничките километри во градскиот превоз е намален за 9,2 отсто, во приградскиот превоз за 29,4 отсто, додека во меѓуградскиот превоз е зголемен за 10 отсто и во меѓународниот превоз зголемувањето изнесува 70 отсто.