Поведена постапка за серија кражби во Битола

Од:

Основното јавно обвинителство Битола поведе постапка против едно лице од Ресен за кое постои основано сомнение дека сторил продолжено кривично дело – Тешка кражба од член 236 став 1 точка 1 во врска со член 45 став 1 од Кривичниот законик, информира Обвинителството.

„Преку временски поврзани дејствија во периодот од 01.03.2022 година до 06.03.2022 година, во вкупно 14 наврати, осомничениот со умисла извршил тешки кражби. Искористувајќи слични прилики, тој со провалување влегувал во помошни објекти – визби во станбени згради и еден параклис во Битола. Доколку најдел, одземал различни предмети со намера противправно да ги присвои. Делата ги вршел со употреба на физичка сила и подесен алат, делувајќи врз заклучени врати. При последната кражба на 06 март бил затекнат и лишен од слобода“, соопшти Обвинителството.

„Бидејќи постојат околности кои укажуваат на опасност од бегство, особено имајќи предвид дека осомничениот во веќе поведени други постапки пред Основен суд Битола и Основен суд Ресен не бил достапен на органите на прогонот, јавниот обвинител до судот достави предлог за определување мерка притвор за осомниченото лице.

Судијата на претходна постапка при Основниот суд Битола го прифати предлогот и на осомничениот со решение му определи притвор во траење од осум дена“, се наведува во соопштението на Обвинителството.​

Би можело да ве интересира

Обвинителство бара притвор за Кристијан Корабовски од Охрид кој ја претепа 26 годишната Сара

Горан Наумовски

(ФОТО) Ја давеше, ја газеше по нозете, ја влечеше по асфалт и ја остави на сред улица – уапсен е син на инспектор во УЈП

А1он

Раководителка на штедилница во Кавадарци осомничена за проневери и злоупотреби на парични средства од граѓани

Фиктивни долгови, фалсификувани потписи и изнуда: Истрага против четири лица, нотар осомничен за несовесно работење

Горан Наумовски

Обвинителството бара притвор за две лица вработени на Универзитетот “Гоце Делчев” во Штип

Горан Наумовски

Скопското ОЈО ќе бара нов 48-часовен притвор за четворицата осомничени за разбојништвата со смртни последици во Скопје

Предраг Петровиќ