Потпретседателката на Собранието на Република Македонија, Рената Дескоска денеска оствари средба со шефот на Одделот за политички прашања на ОБСЕ, Џемс де Вит.
На средбата, како што соопшти собраниската прес-служба, станало збор за работата на Собранието и актуелната политичка состојба, особено за потребата од прочистување на избирачкиот список.
На средбата било укажано дека прочистувањето на избирачкиот список е од суштинско значење за одржување на слободни и фер избори.
Дескоска го информирала Де Вит и за иницираната дебата за општите состојби во образованието и укинувањето на екстерното тестирање, за законскиот предлог за укинување на радиодифузната такса и другите законски иницијативи поднесени во Собранието.
