Нови проблеми за лекарите од скопските клиники, имено ако сакаат да земат плата, мора да потпишат изјави дека не штрајкуваат, објави Вести 24.
До колективите е доставена наредба од директорите и бланко изјава која мораат да ја потпишат. Ова се случува и на клиники каде не се штрајкува, а лекарите го внесуваат и плаќањето по учинок.
Докторите велат дека се работи за најтешка форма на притисок и обид да се намали бројот на лекарите кои штрајкуваат. Од самостојниот синдикат на клинички пак велат дека ќе го тужат државниот здравствен инспекторат поради испрашувањето на лекарите кои штрајкуваат.
Од министерството за здравство сеуште немаат резултати од државниот здравствен инспекторат за извршените контроли. Од самостојниот синдикат за притисоците, заканите и оспорувањето на правото на штрајк го информираа и народниот правобранител.