Утре во времето од 18 часот до 20 часот, ќе се одржи ревијална трка „Вози право, вози здраво“ со старт од Порта Македонија, десно долж улицата „Димитрие Чуповски“, десно по улицата „Даме Груев“, право по булеварот „ВМРО“ до крстосница со булевар „Илинден“, лево по булевар „Илинден“ до крстосница со улица „Наум Наумовски Борче“ – Градски парк кај споменикот на Гоце Делчев, соопшти МВР.
Од тие причини Одделението за безбедност на патниот сообраќај ќе превземе мерки за посебен режим на сообраќајот по горенаведените улици, при што сообраќајот ќе се пренасочува по околните сообраќајници, велат од Министерството за внатрешни работи.
МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.