Со маршеви и протести вработени во поранешните фабрики Треска“ и „Охис“ денес си ги бараат неисплатените плати и придонеси. Поради протестот на вработените во „Охис“ блокиран е центарот на Скопје.
„Денес во 9 часот започнат е протестот на поранешни вработени во АД ‘Охис’ на кој се присутни околу 80 граѓани. Истите од пред ССМ почнале со движење кон Собрание на Република Северна Македонија. Сообраќајот се пренасочува“, велат од МВР.
За маршот на поранешните вработени во „Треска“, од МВР велат дека нема затворање на улици за сообраќај.
„Во 10.40 часот околу 40 вработени од фабриката ‘Треска’ почна марш од фабриката кон Влада. Се движат по тротоар и засега нема блокирање на сообраќај“, известија од МВР.
