Поради магла намалена видливост до 20 метри на патот Тетово – Попова Шапка

Од:

Намалена видливост поради појава на магла од 15 до 20 метри има на патниот правец Тетово – Попова Шапка, (од Шипковица до Попова Шапка), соопшти попладнево АМСМ.

Сообраќајот на државните патишта се одвива тековно во зимски услови, по претежно влажни коловози.

Врнежи од слаб снег се бележат на планинскиот превој Ѓавато, но во моментов не преставуваат пречка за одвивање на сообраќајот.

Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.

Во сила е законската обврска за задолжително поседување на зимска опрема во возилата, без оглед на моменталната временска состојба.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Би можело да ве интересира

17 годишно момче доживеа струен удар, се качил на цистерна вагон

Конститутивна седница на Комисијата за одликувања и признанија

ЕК: Македонија ќе ги добие средствата за пред-финансирање што е можно поскоро

На Плетвар магла, на Ѓавато слаб снег

Спектакл во Вараждин: Македонија и подари бод на Унгарија

Горан Наумовски

Кос: Се надеваме дека Македонија ќе ја исполни обврската за промена на Уставот