Поради лошата здравствена состојба на поранешниот министер за внатрешни работи и лидер на Обединети за Македонија, Љубе Бошкоски, утринава беше одложено третото судско рочиште за случајот Ровер.
До судот од страна на затворот Идризово стигнало соопштение дека состојбата на Бошкоски е лоша но без да се прецизира за што точно се работи.
Судењето е одложено за утре, кога адвокатите треба да му поставуваат прашања на Бошкоски, а потоа исказ пред судот треба да даде Зоран Трајковски, шеф на обезбедувањето на Бошкоски во тоа време.
За случајот на убиството на Мартин Тушевски и Киро Јанев, обвинети се 15 лица, но првите четворица, кои се наведени како директни извршители и еден од нив организатор, се во бегство и се недостапни за органите на прогонот.