Веќе неколку часа корисниците на телефонските услуги на „Македонски телеком“ од Охрид и Ресен не можат да ги користат услугите на операторот.
Од „Македонски телеком“ се огласија со соопштение во врска со случајот, информирајќи дека се работи за физички прекин на оптички кабел, што е причина за прекинот во сообраќајот. Притоа се информира јавноста дека екипи на компанијата работат на отстранување на проблемот за да можат корисниците непречено да ги користат услугите на операторот.
Вон функција се и поважните телефонски броеви на Службата за итна медицинска помош, полицијата, како и на противпожарната служба во Охрид каде во употреба е ставен бројот 046/257997 кој може да го користат граѓаните додека повторно не почне да функционира бројот 193.