Три камили од видот алпака за првпат пристигнаа во скопската Зоолошка градина.
Алпаките се јужноамерикански вид на камили и познати се по нивната волна која се смета за една од најквалитетните.
Тие секогаш го привлекуваат вниманието на луѓето со нивната весела природа.
Овој вид камили, живеат во стадо, а животниот век им е до 20 години. Во минатото, јужноамериканските народи, го користеле месото на алпаката за исхрана.
Алпаките во скопската Зоолошка градина веќе се истрижeни и како што велат од таму, имаат „летна фризура“.
Волната од аплаките се користи за изработка на квалитетна гардероба и важи за еден од најскапите видови на волна, покрај кашмирот.
Од скопската Зоолошка градина се пофалија и со две нови двогрби камили кои пристигнале од Чешка и веќе се приспособуваат на нивните нови живеалишта.
Скопската Зоолошка градина поради пандемијата со Ковид-19, работи со посебни протоколи, задолжително е носење на заштитни маски и држењето дистанца меѓу посетителите.