Никола Попоски од ВМРО-ДПМНЕ рече дека случајот на СЈО „Траекторија“ е доказ дека СЈО се обични извршители на Зоран Заев и СДСМ.
– Тврдењата се измислени, првата инсинуација со која се обидува да се креира случај е тоа дека имало штета на државниот буџет од 155 милиони евра. Штета не постои, целта е да се привлече вниманието на јавноста. Се работи за капитален проект од кој имаат корист сите граѓани. Втората инсинуација е дека не бил применет законот за јавни набавки. Собранието донесе закон за инфраструктурни проекти за овие автопати врз основа на законот за ратификација на договорот помеѓу Владата на Република Македонија и Владата на народна Република Кина. Овде е исклучен законот за јавни набавки, рече Попоски.
Според него, скучени биле меморандуми со две компании кои доставиле понуди, а во 2013 годна е избрана најниската понуда.
