Поповски: Опозицијата во континуитет го блокира носењето на законот за медиуми

Од:

Опозицијата во континуитет го блокира носењето на законот за аудио и аудовизуелни медиумски услуги, а со тоа и го кочи суштинскиот почеток на реформите во медиумската сфера во Македонија, изјави министерот без ресор задолжен за комуникации, отчетност и транспарентност Роберт Поповски на отворањето на конференцијата: „Иднината на медиумите и новинарството во дигиталната ера“ во организација на Центарот за развој на медиуми.

– Тоа е многу видливо во собраниската Комисија за транспорт, врски и животна средина каде претседавач е од ВМРО-ДПМНЕ. Законот е буквално закочен. ВМРО-ДПМНЕ не учествуваше во ниту една од серијата дебати. Откако тој помина на Влада и беше испратен во Собранието, тие доставија некаде околу 70 амандмани, притоа кога Комисијата заседава и на дневен ред е законот бесконечно се дебатира по еден амандман. Остава впечаток дека сакаат да го блокираат законот и да ја задржат оваа статус кво ситуација или да се пазарат за кои членови да бидат именувани, изјави Поповски.

Посочи дека „пазар“ не доаѓа предвид и дека ова е последна и единствена шанса конечно вистинските професионалци да бидат избрани во советите, органите и телата.

– ВМРО-ДПМНЕ во континуитет покажува неодговорност кон состојбите во општеството и од тие причини ја повикуваме медиумската заедница да се мобилизира и помогне со притисок во донесување на законот, истакна Поповски.

Би можело да ве интересира

(ВИДЕО) Мециновиќ: Имаме влада крвник на сопствениот народ, три години не ја зголемува минималната плата и ја штити олигархијата

ЗНМ и ССНМ реагираат: Попречувана новинарка на Телма при известување за инцидентот во Битола

Владата бара итно мислење од Венецијанската комисија за предложениот модел на правосудниот испит

Горан Наумовски

Владата ќе формира Национален комитет за заштита и безбедност на новинарите

(ВИДЕО) Младеновска: Владата плаќа 350 милиони евра годишно за камати, повеќе отколку за социјална помош

СДСМ: Нема субвенции, нема откуп, нема мерки – земјоделците се оставени на цедило

Горан Наумовски