Пратеничката Лилјана Поповска од ДОМ ја потпиша граѓанската иницијатива за оспорување на ДУП-от за Карпош 4, со кој се предвидува уништување на парковите и насилна урбанизација на населбата.
„Многумина сеуште не знаат дека може да потпише секој граѓанин на општина Карпош, не само од Карпош 4. Мора да бидеме солидарни, сите не засега, денес во една, утре во друга населба! Се потпишува во просториите на ДИК, во рамките на подрачната служба на општина Карпош, во Козле, Стрезово 7.“ вели Поповска.
ДОМ денеска очекува одговор од ДИК на писменото барање ДА ИМ СЕ ОВОЗМОЖИ НА ГРАЃАНИТЕ да ја изразат својата волја надвор од работното време до 20 часот, како и за време на претстојниот викенд.