Поставување автомати во населени места каде нема подрачни единици од соодветните институции од кои ќе можат да се вадат изводи од матични книги на родени, од катастар, од УЈП, централен регистар, најави денеска носителот на листата за избор на пратеници во Изборната единица 6, Никола Попоски.
– Во повеќе населени места каде што не постојат подрачни единици од определени институции ќе поставиме автомати на кои ќе може да се вадат електронски изводи од матична книга на родени, документи од катастар, од Управа за јавни приходи, од Централен регистар, но и други документи за кои ќе може електронски да се плати со платежна картичка на автоматот, рече Попоски.
Појасни дека на ваков начин ќе можат да се подмируваат и сметки за струја, за телефонија, за вода.