Носителот на кандидатската листа на ВМРО-ДПМНЕ во ИЕ 1 Никола Попоски во Аеродром вечерва рече дека во делот на младите, нивната програма е посветена на две целини.
Првата се однесува на спортот, а втората на вработувања.
„Имаме предвидено изградба на нов затворен базен во Скопје, фитнес зона и 15 баскет игралишта. Во делот на вработувањето предвидени се вработувања на 100-те најдобри студенти од додипломски студии, предвидено е кредитирање за самовработување на млади лица, а имаме и посебна програма за кредитирање на претпријатија кои ќе вработуваат млади лица до 29 години“, рече Попоски.