ВМРО-ДПМНЕ ги обжали, а Управен суд го поништи гласањето на 29 избирачки места во Центар.
И тоа, доколку направите анализа, се само места каде што Андреј Жерновски има предност или поголема доверба од граѓаните на Центар, од Владимир Тодоровиќ.
И сега, со поништувањето Тодоровиќ и Жерновски, стартуваат од изменети позиции. На прегласувањето Тодоровиќ излегува со предност од 434 гласа.
Од ова излегува, бидејќи половина гласачи места во Центар се поништени, дека неправилности и фалсификати имало, само на оние места каде резултатот за опозицискиот кандидат е подобар.
А и образложенијата, дека се вршел притисок на некои лица од некаде, се легитимирале, а полицијата не интервенирала, одборите молчеле, го отвора прашањето кои се тие лица, кој експресно им издаде лични карти, кој ги сместуваше во еден стан по 10-тина, 20-тина лица.
На пример во стан на улицата „Максим Горки“, беа пријавени 60 лица од Мала Преспа. Kој раководи и кој и дава задачи на полицијата? Кој ги носеше и штитеше овие лица од друга држава да можат да гласаат?
За потсетување некои од овие лица, како што Управните судии ги именува, беа угостени најљубезно и од носителот на листа на ВМРО-ДПМНЕ за Центар.
Управниот суд, кој треба, како и секој суд да суди според закони, поништи 8.349 гласа за Андреј Жерновски и 6.934 за Владимир Тодоровиќ.
И по овој скандал, претседателот на Управниот суд си даде оставка. И за него одлуките не беа сфатливи, исто како и за некои членови на ДИК, кои се исто така правници. Неговото место е пополнето веднаш.
Граѓаните на Центар сега се и во голема недоумица, и прашањето е кој треба да гласа, каде, и она што се шири по социјалните мрежи, до кога? Прашуваат, дали додека кренат раце и биде избран кандидатот на власта, независно дали месец, два или повеќе ќе се прегласува.