Македонска пошта од денеска до 31 август ги отвора своите единици на поштенска мрежа за собирање хуманитарна помош за настраданите подрачја во скопскиот регион.
– Помошта во конзервирана храна, бебешка храна и пелени, средства за лична хигиена и дезинфекција хуманите граѓани може да ја остават во било која поштенска единица на Македонска пошта на целата територија на Република Македонија, соопштија од Македонски пошти.
Дистрибуцијата на хуманитарната помош ќе се изврши во соработка со Црвениот крст на Република Македонија.