Полската болница зависи од потребите и плановите на МЗ, МО и Армијата се на располагање, вели Шекеринска

Од:

Прашањето за полската болница не го диктираме ние, туку тоа зависи од потребите и плановите на Министерството за здравство, согласно одлуката за кризна состојба, во која што е предвидено и можна употреба на Армијата и во овој дел, изјави денеска министерката за одбрана Радмила Шекеринска.

Таа истакна дека МО и Армијата се на располагање и доколку постои потреба, како што рече, полската болница е капацитет што може да се стави на располагање практично за два дена.

– Јас се надевам дека тоа нема да биде неопходно, но секогаш е добро да имате и опција плус. Ние просторот којшто го користевме за мобилната болница веќе е обезбеден и искористен со монтажните болници, тие се подобар капацитет, но веќе разговаравме со министерот за здравство дека мобилната болница стои на располагање и може да се лоцира на други позиции на територија на цела држава, појасни Шекеринска.

Уште еднаш повтори дека МО и Армијата, како важна и сериозна институција, стојат на располагање за поддршка и изрази убедување дека тоа ќе се случува во следните месеци.

– И во овој момент дел од нашите воено-медицински ресурси се користат како поддршка на здравствените институции. Веќе разговаравме дека таа бројка можеме и да ја зголемуваме, така што нема поголем приоритет ни за безбедноста на државата од здравјето на луѓето, подвлече министерката за одбрана Радмила Шекеринска.

Би можело да ве интересира

Во Скопје 12 нови жртви на Ковид-19 и 439 заразени во изминатиот ден

Жарко Настоски

1.100 новозаразени со коронавирус, починале уште 30 луѓе

Жарко Настоски

Во македонските болници се лекуваат 1.286 пациенти заразени со коронавирусот

Жарко Настоски

Нема потврда дека лекот фавипиравир има ефекти во лекување на ковид, вели Филипче

Жарко Настоски

Вакцините за Ковид-19 ќе пристигнат кај нас во првите два до три месеци од следната година

Граѓаните над 65 години ќе имаат предност за вакцинирање за Ковид-19

Искра Манојлоска