Снегот кој интензивно започна да паѓа ноќеска, им предизвика проблеми на тетовци. До попладнево наврна повеќе од половина метар.
Секторот за јавни дејности од Тетово за утре најави прекин на наставата во сите основни и средни училишта во градот. Граѓаните реагираат на блокарини улици и затрупаните тротоари.
Локалните власти информираат дека се преземаат потребните мерки за градските улици бидат полесно проодни. За таа цел ангажирани се 4 камиони и 2 багери.
Со дополнителна механизација за расчистување на снегот се поминува и во планинските села.
За поефикасно справување со проблемите кои ги создава снегот формиран е кризен штаб, кој со ангажирање дополнителна механизација ги презема потребните мерки за полесно движење.
Од општина Тетово велат дека постојат можности за прогласување вонредна состојба, доколку снежните врнежи во наредните денови продолжат со истиот интензитет.
Од управата за хидрометереолошки работи, пак, најавуваат дека во полошко ќе продолжи да врне во текот на денот, а за време на ноќта интензитетот ќе почне да се намалува.
Возачите бараат надлежните почесто да поминуваат со механизацијата. Од тетовската секција на Македонија пат велат дека работат со сите расположливи средства, но неможеле да постигнат поради интензивните врнежи.