Полиција упадна во Грчец, претреси во ресторан кој се поврзува со наркобосот Шеваљ

Од:

Полицијата правела рација во објектот на Шеваљ Муареми, кој важи за познат наркобос од Грчец. Според неофицијални информации, полицајци упаднале во угостителски објект каде газда е тој.

Рацијата била заедно со Пазарната инспекција, која констатирала дека објектот работел спротивно законите и добил забрана за работа.

– На 05.02.2022 околу 00 часот полициски службеници од Бирото за јавна безбедност-Оддел за криминалистичка полиција и Оддел за специјални полициски операции-Единица за брзо распоредување во координација со Управата за јавни приходи и Државен пазарен инспекторат извршиле контрола во угостителски објект во с. Грчец, скопско. Констатирани се низа неправилности во работењето: угостителскиот објект нема регистрирано правно лице-фирма, немало регистриран фискален апарат, не биле почитувани мерките за справување со Ковид 19, поради што од страна на Државниот пазарен инспекторат објектот е запечатен и изречени се соодветни глоби, информира МВР.

„Извршен е преглед на 40 лица и констатирано е присуство на тројца малолетници, за што ќе следуваат соодветни пријави. Исто така, приведено е едно лице кај кое е пронајден нож. За сите незаконитости ќе следуваат соодветни поднесоци“, се додава во соопштението на МВР.

Инаку, наркобосот веќе подолго време е избеган од Македонија и се наоѓа во Шпанија. Група предводена од Муареми се поврзуваше и со пукањето во Александар Палас од 2018 година.

Истрагата за овој случај и по четири години не е завршена.

Затворен угостителски објект во Грчец, пронајден нож, затекнати малолетници и низа незаконски активности

Би можело да ве интересира

(ФОТО) Ја давеше, ја газеше по нозете, ја влечеше по асфалт и ја остави на сред улица – уапсен е син на инспектор во УЈП

А1он

МВР во 2026 сè уште работи со тефтери, Тошковски најавува дигитализација за три до четири месеци

За пет часа полицијата напиша 221 казна за пешаците во Македонија

А1он

Пораст на измами за сообраќајни прекршоци, МВР апелира на внимателност

Јанев за акцијата во Куманово: Криминалната група дејствувала повеќе од пет години

Голема полициска акција во Куманово: Апсења и претреси поради изнуда, лихварство и перење пари