Граничната полиција на патот кон скопското село Танушевци запрела комбе натоварено со прехранбени производи, за кои подоцна било утврдено дека се небезбедни. Возачот е приведен, соопшти МВР.
„На 14.07.2021 околу 15.00 часот од полициски службеници од РЦ ГР Север на место викано „Две чешми“, на регионалниот пат Скопје-с.Танушевци, бил приведен Б.Ш.(35) од Скопје. При преглед на товарно возило „мерцедес спринтер“, кое го управувал, биле пронајдени околу 170 пакети со прехранбена стока, без декларација. Известен бил Јавен обвинител и инспектори од Агенцијата за храна и ветерина, кои по преземени мерки и активности констатирале дека станува збор за небезбедна храна, која ќе биде уништена, а по документирање на случајот ќе биде поднесен соодветен поднесок.