Полицијата извести дека вчера во 20.10 часот на регионалниот пат Битола – Прилеп, полициски службеници од СВР Битола ги уапсиле Е.Р.(31) од Прилеп, со привремен престој во село Ивањевци и општина Могила и Д.А.(37) од Штип.
Тие се сомничат дека во текот на денот од објект на правно лице во село Долно Српци, општина Могила, одзеле повеќе предмети. При преглед на патничко возило „опел” во кое биле затекнати, биле пронајдени одземените предмети.
По целосно документирање на случајот, против лицата ќе биде поднесена соодветна пријава.